“ڨياسيات العودة المدرسية”4
On 11 أكتوبر، 2025 by sarraقلنا شربت كاس الليموناضة و كليت كعبة البولو رجعت في الروح ..خرجنا من القهوة و أنا ملازم الوالد..حقة سبق قلتلكم اللي احنا في الدار نناديو الوالد “سيدي ” … و كلمة سيدي متداولة عندنا في العائلة ..و موش الاولاد برك يناديو لوالديهم سيدي ..مثلا والدي زادة ينادي على أعمامي اللي أكبر منو سيدي ..يقول مثلا سيدي “مبروك.”.سيدي “فرحات” ..سيدي” سالم “سواء بالحاضر و ألا بالغايب.. أمي و عماتي كذلك.. كي كنت صغير نلعب مع اندادي قدام الدار كنت نحشم و ألا نتردد باش نقول سيدي على الوالد على خاطرهم الكل يقولوا “بابا ” ..أما من داخل و في قرارة نفسي فرحان بيها الكلمة..المخثصر خرجنا من القهوة .. تلفت سيدي و قال لي ” توة باش نرجعوا على جرتنا نهزو الصباط و في ثنيتنا ناخذ لك شاشية ” …تصونيت ..باش نعاود ندخل في الزحمة و نبدأ نتكركر في جرتو ؟ و تقول كانو وحى بالكلام اللي قلتو في صدري ..قال لي ” و ألا تعرف كيفاش هيا نروحوا و توة أنا تتعدى غدوة نجيبلك الصباط و الشاشية ” ..الشاشية !! كيفاش باش ياخذ لي شاشية و أنا باش تدخل المكتب و ما عادش باش تمشي للكتّاب !!! و كيفاش يشريلي شاشيّة من غير ما نمشي معاه ؟..كيف كيف ..كانو سمعني ..قال لي ” توة ناخذ قياس راسك بشوية خيط و ألا قيطن …
ضحكت أنا..قتلو قيطن سيدي !! شبيه راسي زربوط ..ضحك و قال لي ..موش بعيد على بعضو ..
نحبو سيدي… ناس طيبة و حنين..حتى عماتي يحبوه..يبوسوه من جبينو..سيدي موش كيف عمومتي .. سيدي يبوسنا و بالاخص البنات أخوتي ..يحبهم و يتربج بيهم حتى..الله يرحمك حمودة الباهي كان تسمع في ..
شق بي الكياس و وقفنا قدام قوس الباب ” باب بحر ” و عيط سيدي على واحد حالتو يرثى لها مدلو فلوس و خذا من عندو زوز كواغط في طول زوز كراسح متاع صبع..قتلو شنوما ؟ قال تساكر باش نركبو بيهم .. مشوار و جات” التروليبيس “trolleybus نومرو واحد… نومرو واحد هذي كانت تعمل الدورة على تونس من داخل..تتعدى من باب بحر .باب دزيرة ..باب الجديد ..القصبة باب بنات .باب سويقة ..البيڨة وين وتيل العياشي ..باب قرطاجنة و باب بحر ..تدور و تغزل هذاكة الخط متاعها…و نومرو اثنين هذيكة تهبط حى لباب بحر و المسرح و “تونيس مارين” tunis-marine..
..طلعنا في الترولي ..مد سيدي هاك الزوز صوابع متاع التساكر لراجل قاعدة بجنب الباب و على راسو طربوشة و لابس كسوة زرقاء كان مازلت نثبت و فيها فلس يلمعو ..الراجل دخل هاك التساكر في مكينة و دور قرص ..الماكينة عملت صوت يضحك .. كيما الصوت اللي يعملوه الزوافرية بفمهم “قروي “…قدمنا و قعدنا ..ملا دنيا ..ملا بني..و كراهب و تاكسيات …على فكرة تتصوروا اللي الكياسات في هاك الوقت كانت تهز و تجيب ..اينعم ..توة هاي تهز ما تجيب و الدنيا زحمة …الرحلة كاملة و سيدي يسمي لي في البقايع و أنا شارد …هبطنا قدام سبيسيرية الماطري “خليل الماطري كان مدير في حزب الدستور”في باب بنات..
كان فمة كيوسك بجنبها و قهوة سيدي بوسعيد محاذية الكيوسك..شقينا الكياس و دخلنا لنهج القارص ..جينا في القعادين ..خطوتين جينا في الرحيبة ..وقف سيدي على عم “عز” الخضار و قال لي تنجم تروح وحدك ..عملت براسي “أي”..و نطير عجاجة …
نستمحكم اليوم هذاكة حدي..الذكريات و التصاور تتزاحم في راسي …يلزمها شوية ترتيب و غدوة الحي نكمل البقية لو في العمر بقية..
إعادة نشر لمن فاته النشر الأول لدخول للمكتب (4)
قلنا شربت كاس الليموناضة و كليت كعبة البولو رجعت في الروح ..خرجنا من القهوة و أنا ملازم الوالد..حقة سبق قلتلكم اللي احنا في الدار نناديو الوالد “سيدي ” … و كلمة سيدي متداولة عندنا في العائلة ..و موش الاولاد برك يناديو لوالديهم سيدي ..مثلا والدي زادة ينادي على أعمامي اللي أكبر منو سيدي ..يقول مثلا سيدي “مبروك.”.سيدي “فرحات” ..سيدي” سالم “سواء بالحاضر و ألا بالغايب.. أمي و عماتي كذلك.. كي كنت صغير نلعب مع اندادي قدام الدار كنت نحشم و ألا نتردد باش نقول سيدي على الوالد على خاطرهم الكل يقولوا “بابا ” ..أما من داخل و في قرارة نفسي فرحان بيها الكلمة..المخثصر خرجنا من القهوة .. تلفت سيدي و قال لي ” توة باش نرجعوا على جرتنا نهزو الصباط و في ثنيتنا ناخذ لك شاشية ” …تصونيت ..باش نعاود ندخل في الزحمة و نبدأ نتكركر في جرتو ؟ و تقول كانو وحى بالكلام اللي قلتو في صدري ..قال لي ” و ألا تعرف كيفاش هيا نروحوا و توة أنا تتعدى غدوة نجيبلك الصباط و الشاشية ” ..الشاشية !! كيفاش باش ياخذ لي شاشية و أنا باش تدخل المكتب و ما عادش باش تمشي للكتّاب !!! و كيفاش يشريلي شاشيّة من غير ما نمشي معاه ؟..كيف كيف ..كانو سمعني ..قال لي ” توة ناخذ قياس راسك بشوية خيط و ألا قيطن …
ضحكت أنا..قتلو قيطن سيدي !! شبيه راسي زربوط ..ضحك و قال لي ..موش بعيد على بعضو ..
نحبو سيدي… ناس طيبة و حنين..حتى عماتي يحبوه..يبوسوه من جبينو..سيدي موش كيف عمومتي .. سيدي يبوسنا و بالاخص البنات أخوتي ..يحبهم و يتربج بيهم حتى..الله يرحمك حمودة الباهي كان تسمع في ..
شق بي الكياس و وقفنا قدام قوس الباب ” باب بحر ” و عيط سيدي على واحد حالتو يرثى لها مدلو فلوس و خذا من عندو زوز كواغط في طول زوز كراسح متاع صبع..قتلو شنوما ؟ قال تساكر باش نركبو بيهم .. مشوار و جات” التروليبيس “trolleybus نومرو واحد… نومرو واحد هذي كانت تعمل الدورة على تونس من داخل..تتعدى من باب بحر .باب دزيرة ..باب الجديد ..القصبة باب بنات .باب سويقة ..البيڨة وين وتيل العياشي ..باب قرطاجنة و باب بحر ..تدور و تغزل هذاكة الخط متاعها…و نومرو اثنين هذيكة تهبط حى لباب بحر و المسرح و “تونيس مارين” tunis-marine..
..طلعنا في الترولي ..مد سيدي هاك الزوز صوابع متاع التساكر لراجل قاعدة بجنب الباب و على راسو طربوشة و لابس كسوة زرقاء كان مازلت نثبت و فيها فلس يلمعو ..الراجل دخل هاك التساكر في مكينة و دور قرص ..الماكينة عملت صوت يضحك .. كيما الصوت اللي يعملوه الزوافرية بفمهم “قروي “…قدمنا و قعدنا ..ملا دنيا ..ملا بني..و كراهب و تاكسيات …على فكرة تتصوروا اللي الكياسات في هاك الوقت كانت تهز و تجيب ..اينعم ..توة هاي تهز ما تجيب و الدنيا زحمة …الرحلة كاملة و سيدي يسمي لي في البقايع و أنا شارد …هبطنا قدام سبيسيرية الماطري “خليل الماطري كان مدير في حزب الدستور”في باب بنات..
كان فمة كيوسك بجنبها و قهوة سيدي بوسعيد محاذية الكيوسك..شقينا الكياس و دخلنا لنهج القارص ..جينا في القعادين ..خطوتين جينا في الرحيبة ..وقف سيدي على عم “عز” الخضار و قال لي تنجم تروح وحدك ..عملت براسي “أي”..و نطير عجاجة …
نستمحكم اليوم هذاكة حدي..الذكريات و التصاور تتزاحم في راسي …يلزمها شوية ترتيب و غدوة الحي نكمل البقية لو في العمر بقية..
ملاحظة : كان طولت قولو لي ما تحشموشملاحظة : كان طولت قولو لي ما تحشموش
